Dilçiliyin fonetika sahəsində fundamental əsərləri var: "Azərbaycan dilinin fonemlər sistemi (fizioloji, akustik, statistik, fonoloji tədqiqat)" və b. əsərlərində Azərbaycan dili fonetik sisteminin elmi təhlili verilib. Türkoloji dilçilikdə sintaqmatik fonetikaya həsr edilmiş ilk mükəmməl tədqiqatın müəllifidir. Türk dillərində sıra kateqoriyasının mövcudluğunu əsaslandırmışdır. Türk dillərinin məntiqi tipinin yaradılması ideyası da ona mənsubdur.

Şer vəzninin yazıldığı dilin fonetik quruluşundan asılılığını sübut etmişdir.

1. "Felin zamanları" (1961),

2. "Azərbaycan dilinin fonemlər sistemi "  (1973),

3.  "Azərbaycan dilinin fonetikası" (1984),

4. "Azərbaycan dilinin tarixi fonetikası" (1973),

5. "Şer sənəti və dil" (1980),"Ümumi dilçilik" (1979, II nəşr - 1988).

Türk Dil Qurumunun  Fəxri Üzvü, L.Zadə adına Müasir Elmlər Akademiyasının Həqiqi üzvü, ABŞ-ın Nyu-Orlean şəhərinin fəxri xarici vətəndaşı, Luiziana ştatının paytaxtı Baton Ruj şəhərinin bələdiyyə şurasının fəxri üzvüdür.

Azərbaycan SSR Ali Sovetinin Fəxri Fərmanı - 1968;
"Əmək rəşadətinə görə" medalı - 1970;
Əməkdar Elm Xadimi - 1990;
 Respublika Dövlət Mükafatı Laureatı - 1986;
 Xalqlar dostluğu sahəsindəki xidmətlərinə görə ABŞ-ın Frendşip fors (Dostluq qüvvələri) təşkilatının fəxri fərmanı;
"Şöhrət" ordeni - 2000.

Bakı Dövlət Universitetində dekan (1967-1974, 1980-1990), kafedra müdiri (1981-1990, 1999-dan indiyədək), müəllim, dosent, professor (1958-1996)  vəzifələrində işləmişdir.

AMEA-nın Humanitar və İctimai Elmlər Bölməsi, AZ1001, Azərbaycan Respublikası, Bakı ş., İstiqlaliyyət küçəsi, 10