Çoxillik tədqiqatlar əsasında Əli-zadə A.A. Azərbaycanın təbaşir mollyuska faunasının (belemnitlər) kompleksləri barədə təlimin başlıca müddəalarını irəli sürmüş, bu qədim canlıların təsnifatı və filogeniyasını vermiş, paleozoocoğrafi rayonlaşdırma prinsiplərini işləyib hazırlamış, ekologiya və paleontologiyaya dair məsələləri işıqlandırmışdır. Təbaşir dövründə Aralıq dənizi höfzələrində fəqərəsizlərin zaman-məkan daxilində paylanma mərhələlərinin müəyyən edilməsində və bu əyalətdə müvafiq paleobiocoğrafi taksonların ayrılmasında önçüllük A.A.Əli-zadəyə məxsusdur. Onun tərəfindən Qafqazın təbaşir höfzələrinin biogeokimyəvi rayonlaşdırılması metodlarının işlənməsi və təkamül amili paleohövzələrdə geokimyəvi şəraitin öyrənilməsi sahəsində fundamental tədqiqatlar aparılmışdır. İlk dəfə olaraq izotop paleotermometriya üsulu ilə Azərbaycanın təbaşir hövzələri üçün paleotemperatur qiymətlərini təyin etmişdir. Azərbaycanın təbaşir çöküntülərinin paleontologiya və stratiqrafiyası üzrə fundamental işlərə görə Azərbaycan Dövlət mükafatı laureatı adına layiq görülmüşdür. Azərbaycanın təbaşir çöküntülərinin regional stratiqrafiyası.

1. Корреляция изотопного состава кислорода и углерода карбонатов раковин моллюсков и распределение редких элементов в верхнечетвертичных осадках шельфа Южного Мраморного Моря. Геохимия №7, 2002. (Cоавторы: С.А. Алиев, Б.Варол, А.Сары, М. Эргин, Н.Казанчи.)

2. К вопросу об эволюции палеотемператур меловых и палеогеновых бассейнов, Известия НАНА, Науки о Земле, №2, 2003.

3. Изменения фациального и биоценогичного состава осадков дельты реки Кура в зависимости от истории развития. Известия НАНА, Науки о Земле №4, 2004. (Соавтор: Э.Г. Алиева)

4. Сквозная флюидодинамическая система Южно- Каспийской впадины. Отечественная геология, Москва, №3-4, 2007. (Соавторы: А.Д. Исмаилзаде, И.С. Гулиев).

5. Диалектический прогноз развития геосистем. Ümumvəhdət fəlsəfəsi və müasir elm, 2010. (Соавторы: Ализаде Ак.А., Ализаде Х.А.)

Azərbaycan geoloqlarının Milli Komitəsinin prezidenti; idarələrarası stratiqrafiya komitəsinin sədridir, Azərbaycan Milli Elmi Fondun himayəçilər şurasının üzvüdür.
 

"Fədakar əməyə görə" medal - 1970;
"Şərəf nışanı" ordeni - 1986;
Azərbaycan Respublikasının Əməkdar Elm Xadimi - 1991;
Azərbaycan Respublikasının Dövlət Mükafatı laureatı - 1991;
Azərbaycan Respublikasının "Şöhrət" ordeni - 2004.
 

Azərbaycan Neft Akademiyası – geoloji-kəşfiyyat fakültəsi
 

AMEA Geologiya İnstitutu, AZ1143,  Azərbaycan Respublikası, Bakı ş., H.Cavid pr., 29a

AMEA Geologiya İnstitutu,  direktor