Yerli mineral xammal əsasında müxtəlif tipli seolitlərin, o cümlədən məlum və yeni praktiki əhəmiyyətli seolitlərin sintezi və quruluş-kimyəvi tədqiqi aparılmışdır. Hipotetik seolit quruluşlarının praktiki reallaşdırılması yolu ilə müxtəlif tip seolitlərin məqsədli sintezi həyata keçirilmişdir. Keçid metalların aromatik karbon turşuları ilə kompleksləri əsasında yeni tipli klatrat birləşmələr alınmış və klatratəmələgəlmə prosesindən analitik məqsədlər və selektiv sorbsiya üçün istifadə edilmişdir. Müəyyən olunmuşdur ki, klatrat birləşmələrin quruluşları ilkin komplekslərin quruluşları əsasında “qonaq” molekulları tərəfindən diktə olunur. Sübut edilmişdir ki, klatratları yalnız dimer və polimer quruluşlu komplekslər əsasında almaq mümkündür.