Bir sıra keçid və nadir torpaq elementli,  üzvi və metal-karbonil liqandlı yeni sinif koordinasion  və metal üzvi birləşmələrin sintez metodları işlənib hazırlanmış, quruluşla xassə arasında asılılıqlar müəyyən edilərək, birləşmələrdəki  metal atomlarının və onlarla əlaqədə olan liqandların təbiətlərinin öncə, onların reaksiyayagirmə qabiliyyətlərinə, sonra isə katalitik, antidetanasion xassələrinə təsiri müəyyən edilməklə yeni elmi istiqamət formalaşdırılaraq inkişaf etdirilmişdir.  Ferrosen və simantren  əsaslı  birləşmələrin bəzilərindən mühərrik   yanacaqlarında  tetraetilqurğuşunu (TEQ) əvəz edə bilən  ekoloji təmiz oktan-qaldırıcı qatqı kompozisiyaların  alınmasında, polimer daşıyıcılarından istifadə etməklə isə yüksək effektli fotohəssas   kompozit materialların  hazırlanmasında istifadə edilmişdir. Bunlardan Respublikanın kimya və neft-kimya məhsulları əsasında alkilferrosen əsaslı “Kriskat” qatqı kompozisiyasının alınma texnologiyası işlənib hazırlanmışdır. Bu kompozisiyanın kütləvi istehsalı üçün layihə sənədləri hazırlanmış, fazalar arası kataliz şəraitində alınmış metalkarbinol birləşmələrindən Fe–Mn(Fe-Co) və əsaslı katalitik sistemlərdən istifadə etməklə merkaptanlı neft məhsullarının 20-600C demerkaptanizasiyasını həyata keçirmək mümkün olmuşdur. Z-forminq və yüksək qaynama temperaturlu oksigenli üzvi birləşmələrin sintez-qazdan alınması prosesləri üçün Zn–Mo əsaslı daha aktiv və selektiv katalitik sistemlər işlənib hazırlanmışdır.

1. Алиев А.М., Сулейманов Г.З., Аскеров Г.Р. и др. Исследование процесса демеркаптанизации до элементарной серы некоторых нефтепродуктов с помощью каталитической системы (Mn-Fe и Co-Fe) безводный клиноптилолит. Химическая промышленность, 2008, №8, с.16. 

2. M.A.Kurbanov, G.Z.Suleymanov. Conductivity-Photoguenching effect in polymer-ferrocene  composites. Journal AMORPHOUS  VITREOUS and ORGANIC SEMICONDUCTORS.2011, v.45, p.503-509.