İlk dəfə SSRİ kolxozlarında kənd təsərrüfatı məhsullarının maya dəyərinin hesablanması metodikası, onların daxili təsərrüfat hesabına keçirilməsinə dair nümunəvi əsasnamə, onun tətbiq edilməsinin metodiki göstəricisi işlənmiş; Azərbaycan sovet kəndində ictimai-iqtisadi irəliləmələr tədqiq  edilmiş; Azərbaycanın respublikalararası nəqliyyat-iqtisadi əlaqələrinin təkmilləşdirilməsi yolları müəyyən edilmişdi. Müəllif kənd təsərrüfatının ixtisaslaşdırılmasının iqtisadi səmərəliliyinin yüksəldilməsi problemlərini işləmiş; Sovet Azərbaycanının iqtisadiyyatını inkişafına dair kollektiv tədqiqatın hazırlanmasında fəal iştirak etmişdir. Ərzaq proqramı, respublikada üzümçülük xalq təsərrüfatı kompleksi, elmi-texniki tərəqqinin kompleks proqramının işlənməsində iştirak etmişdir. Hazırda bazar iqtisadiyyatı əlaqələrinin yaranması, formalaşması və inkişafı istiqamətlərini İran İslam Respublikası, Rusiya Federasiyası, Orta Asiya respublikaları timsalında tədqiq  edir.

1. "Sosialist istehsalının yerləşdirilməsi məsələləri"

2. "Kənd təsərrüfatının ixtisaslaşdırılması və onun iqtisadi səmərəliliyi"

3. "Müasir dövrdə Azərbaycan sovet kəndində ictimai-iqtisadi irəliləmələr"

4. "Bazar və Azərbaycan Respublikasının dünya birliyi ilə xarici iqtisadi əlaqələrinin səmərəli inkişafı problemləri",

5. "Keçid cəmiyyətinin sosial-iqtisadi problemləri (MDB ölkələrinin təcrübəsindən)" və s.

"Cəmiyyət və iqtisadiyyat" adlı Beynəlxalq elmi və ictimai siyasi jurnalının redaksiya heyətinin üzvüdür.

Beynəlxalq İslam Xeyriyyə Təşkilatı Asiya Müsəlmanları Komitəsinin Elmi Şurasının I dərəcəli mükafatı - 2000

Azərbaycan Neft Akademiyasında, Azərbaycan Dövlət İqtisadi Universitetində, Bakı Dövlət Universitetində professor rütbəsində əvəzçiliklə çalışmışdır.