1-3 mart 2010-cu il tarixlərdə AMEA Geologiya İnstitutunda “Çökmə örtüyünün geoloji mühitinin fiziki-mexaniki vəziyyətinə müasir geodinamikanın təsiri” mövzusunda beynəlxalq seminar keçiriləcək.
Almaniya, Fransa, Rusiya və Gürcüstan alimlərinin də iştirak edəcəyi seminarda Qafqazın və Cənubi Xəzər hövzəsinin geodinamik şəraiti və seysmik təhlükələrinə dair məsələlər müzakirə ediləcəkdir.
Seminarın 3-cü günü görkəmli alim, Əməkdar elm xadimi, Rusiya Təbii Elmlər Akademiyasının həqiqi üzvü, Azərbaycanda paleomaqnitizm elminin banisi, fizika-riyaziyyat elmləri doktoru, mərhum Tofiq İsmayılzadənin anadan olmasının 80 illiyinə həsr olunacaqdır.
Məlumatı AMEA Geologiya İnstitutunun mətbuat xidməti yaymışdır.
Mətbuat katibi: Səid Hüseynov
Əlaqə telefonu: (012) 497 44 81
