Akif Həmid oğlu Əzizov
Kimya elmləri doktoru, professor, AMEA-nın müxbir üzvü
Tel.: (994 12) 4902649  Faks: (994 12) 4903520   Email: akazizov@azerin.com, ipcp@baku-az.net

Nazim Hikmət Saleh oğlu Əsədov
Kimya elmləri namizədi
Tel.: (994 12) 4902625  Faks: (994 12) 4903520   Email: anipcp@dcacs.ab.az

Adilə Atakişi qızı Səidova
Texnika elmləri namizədi, baş elmi işçi
Tel.: (994 12) 4902607  Faks: (994 12) 4903520   Email: anipcp@dcacs.ab.az

Azərbaycan neftlərinin tədqiqi, onların yeni yanacaqlar və yağların alınması məqsədi ilə səmərəli emalının elmi əsaslarının işlənib hazırlanması, neft emalı və neft-kimyası üçün yeni texnologiyalar və katalizatorların yaradılması, kataliz, üzvi və fiziki kimya, neft-kimyəvi sintez sahəsində fundamental tədqiqatların aparılması, Azərbaycanın neft emalı və neft-kimya komplekslərinin inkişafı üzrə perspektiv kompleks sxemlərin işlənib hazırlanması

Azərbaycanın perspektiv dəniz neft yataqlarının neftləri tədqiq olunmuş, onların perspektiv reaktiv və dizel yanacaqlarının, avtomobil benzinlərinin və sürtgü yağlarının alınmasını təmin edən səmərəli emal texnologiyalarının elmi əsasları işlənib hazırlanmışdır.
Metallik alüminium və haloid alkilləri əsasında kompleks katalizatorların yeni modifikasiyaları yaradılmış, onlardan istifadə etməklə naftalinin, toluol-ksilol fraksiyasının, benzolun, etilbenzolun və s. faydalı məhsulların alınmasını təmin edən piroliz prosesinin maye məhsullarının emalının kompleks sxemi işlənib hazırlanmış və Sumqayıt "SK" Zavodunda tətbiq edilmişdir.
Katalitik krekinq, kokslaşma və piroliz proseslərindən alınan aşağı temperaturlarda qaynayan fraksiyaların, bir və ikiatomlu spirtlərin əsasında seolittərkibli katalizatorlardan istifadə etməklə avtomobil benzinləri üçün oksigenli əlavələrin alınması texnologiyası işlənib hazırlanmışdır. O cümlədən bioetanol və pirolizin C₄ fraksiyası əsasında etil-üçlü-butil efirinin istehsal texnologiyası Sumqayıt regionunda Tural-110 firmasında həyata keçirilmişdir.
Sirkonium, nikel, kobalt, molibden və başqa keçid metalların əsasında karbohidrogenlərin oksidləşməsi, oliqomerləşməsi və polimerləşməsi prosesləri üçün yeni homogen katalizatorlar yaradılmışdır.

Onların bir sıra çevrilmələrində və suyun aşağı temperaturlu termokatalitik parçalanmasında redoks, turşu-əsası və metal üzvi mexanizmlərin qoşalaşması hallarının mövcudluğu aşkar edilmişdir.
Reaksiyaya qabil, hibridləşmiş yeni oliqomerlərin, akrilat monomerləri əsasında yeni modifikatların, bakterisidlərin, sistem herbisidlərin, ətirli maddələrin və s. kiçik tonnajlı məhsulların alınma üsulları işlənib hazırlanmışdır.
Yerli xammal əsasında neftçıxarmada və neft emalında istifadə olunan yeni reagentlər və ximikatların (inhibitor, deemulqator, köpük-əmələgətiricilər, həlledicilər və s.) alınma texnologiyaları yaradılmış və sənayedə tətbiq olunmuşdur.
Neft və onun ağır qalıqlarının CO₂-nın iştirakı ilə ifrat kritik şəraitində asfaltsızlaşdırılması texnologiyası işlənib hazırlanmışdır.

Neft kimyası və neft emalı prosesləri üçün ekoloji təmiz ion mayeləri texnologiyasının yaradılması istiqamətində tədqiqatlar aparılır.  

Neft fraksiyalarının aromatik karbohidrogenlərdən təmizlənməsi üçün yeni termotrop ion-maye tərkibli ekstraqent sistemləri aşkar edilmişdir.

Neft, qaz emalı və neft-kimya sənayesinin inkişaf konsepsiyası tərtib edilmişdir.

2005-ci ildə İnstitut İslam İnkişaf Bankının diplom və mükafatını almış, 2002-2005-ci illər ərzində 5 nəfər Respublikanın "Şöhrət ordeninə", 1-nəfər "Tərəqqi" medalına və 2-nəfər şəxsi prezident təqaüdünə layiq görülmüşdür.

İnstitut əsası 1929-cu ildə qoyülmuş V.V.Kuybışev adına Neft emalı üzrə Elmi-tədqiqat İnstitutunun elmi potensialı əsasında yaradılmış və 1959-cu ildə Azərbaycan MEA-nın nəzdində Neft-kimya prosesləri institutu adlandırılmışdır.
Azərbaycan MEA-nın müstəqil Elmi-tədqiqat İnstitutları: Aşqarlar kimyası, Kimya texnologiyasının nəzəri problemləri, Polimer materialları (keçmiş Xlor Üzvi Sintez)
Radiasiya Problemləri İnstitutu, Azəri QazPİ (keçmiş Qazın emalı və nəql olunması üzrə Ümumittifaq Elmi-tədqiqat Layihə İnstitutu) Neft-kimya Prosesləri İnstitutunun elmi potensialı əsasında yaradılmışdır.
Elmi tədqiqatların inkişafında və milli elmi kadrların yetişdirilməsində görkəmli alimlərin: L.Q.Qurviçin, N.D.Zelinskinin, S.S.Namyotkinin, N.İ.Çernojukovun, Y.H.Məmmədəliyevin, V.S.Əliyevin, Ə.M.Quliyevin, M.A.Dalinin, R.H.İsmayılovun, S.C.Mehdiyevin və başqalarının böyük rolu olmuşdur.
Akademik M.F.Nağıyev (1959-1962), akademik V.S.Əliyev (1962-1988) İnstitutun direktoru olmuşlar, 1988-ci ildən bu günədək İnstituta akademik M.İ.Rüstəmov rəhbərlik edir.

527, bunlardan 219 elmi işçilərdir, o cümlədən 42 elmlər doktoru (bunlardan 3 akademik və 5 AMEA-nın müxbir üzvləri) və 110 nəfəri elmlər namizədidir.

Səthi-aktiv reagentlər və preparatlar laboratoriyası

Funksional oliqomerlər laboratoriyası

Metalüzvi kataliz prosesləri laboratoriyası

Tsikloalkilfenolların kimyası və texnologiyası laboratoriyası

Polifunksional kompleksonlar və metalkompleks birləşmələr laboratoriyası

Polimerizasiya katalizi qrupu

Çoxfunksiyalı reagentlərin  kimyası və texnologiyası  şöbəsi

Korroziya inhibitorları və konsevasiya materialları laboratoriyası

Neft-qaz çıxarma və emalı sənayeləri  üçün kimyəvi reagentlərin texnologiyası laboratoriyası

Antimikrob təsirli reagentlər və zədələnmələrin tədqiqi qrupu

Müstəqil laboratoriyalar

Kataliz problemlərinin spekroskopik metodlar ilə tədqiqi laboratoriyası

Neft lüminoforları və fotokimya laboratoriyası

Elmi–texniki informasiya laboratoriyası

Katalitik krekinq və piroliz laboratoriyası

Neftin kompleks emalı və texniki iqtisadi əsaslandırılması laboratoriyası

Maye fazada oksidləşmə laboratoriyası

Alitsiklik birləşmələr laboratoriya

Neft–kimya proseslərinin texnologiyası laboratoriyası

Heterogen kataliz laboratoriyası

Analitik laboratoriya

Standartlaşdırma və patent-lisenziya laboratoriyası

Alkilləşmə laboratoriyası

Avtomobil benzinləri laboratoriyası

Reaktiv və dizel yanacaqları laboratoriyası

İnformatika və modelləşdirmə laboratoriyası

Neftlərin tədqiqi və yağların texnologiyası laboratoriyası

Fiziki-kimyəvi tədqiqatlar laboratoriyası

Tsikloolefinlər laboratoriyası

Azotlu birləşmələr laboratoriyası

Sintetik yağlar laboratoriyası

Alitsiklik funksional monomerlər  laboratoriyası

Nüvə–maqnit rezonansı qrupu

Ximmotologiya qrupu

Patent-lisenziya qrupu

Ekstraksiya qrupu

İnformasiya və telekommunikasiya qrupu

Layihə-konstruktor şöbəsi

                                                                                    Elmlər doktorları