11

Laboratoriyanın əsas elmi istiqaməti - koksidilərin (Apicomplexa, Sporozoa) biokimyasının, koksidiozlar zamanı yaranan parazit-sahib münasibətlərinin biokimyəvi, molekulyar-genetik və immunoloji aspektlərini, ev heyvanları, quşların və  gəmiricilərin, bağırsaq parazitlərinin öyrənilməsidir.

Koksidilərin (Eimeria, Sarcocystis) osista və sistalarının zülal və aminturşu tərkibi, nuklein turşularının miqdarı, ev toyuqlarının eymeriozları və müalicəsi zamanı zülal, aminturşu, krebs sikli komponentlərinin və onların mübadiləsində iştirak edən  fermentlərin fəallığında baş verən biokimyəvi dəyişikliklər müəyyənləşdirilmiş, parazit-sahib münasibətlərinin biokimyəvi mahiyyətinin bəzi məsələləri nəzəri cəhətdən əsaslandırılmışdır. Ev su quşları, ev donuzları və 2 növ gəmirici heyvanın endoparazitləri öyrənilmişdir.